زوراکی پوج ءُ چیرہ ادارہ مارا ترسینگ ءَ انت

 ھاران ءَ سی ٹی ڈی ءِ دست ءَ زورانسری آوار جنگ بوتگیں شاہ فہد ء محمود خان بلوچ ءِ کھول ءِ رِد ءَ آ چہ ادارھانی نیمگ ءَ ترسینگ بوگ ءَ انت –

سالے ءَ پیش چہ ھاران ءَ سی ٹی ڈی ءِ دست ءَ زورانسری آوار جنگ بوتگیں شاہ فہد ءِ کھول ءِ رِد ءَ پاکستانی ادارہ، ایف سی ءُ سی ٹی ڈی ءِ نیمگ ءَ آھانی کھول ترسینگ ءُ بیھار دیگ بوگ ءَ انت کہ شما وتی ارزی ءُ بیگواھیں مردمانی کمیشن ءَ داتگیں رپورٹ ءِ تہ ءَ سی ٹی ڈی نام ءَ بہ کش ات ءُ ناشناسیں مردمانی نام ءَ ارزی ءَ نبشتہ بہ کن ات –

زانگ بہ بیت شانزدہ مارچ سال دوھزار بیست ءُ دو ءِ شپ ءَ سی ٹی ڈی ءِ کارمنداں چہ ھاران ءَ شاہ فہد ء محمود خان چہ وتی جند ءِ گِس ءَ بابو محلہ ءَ زورانسری آوار جتگ ءُ بیگواہ کتگ –

کھول ءِ رِد ءَ سی ٹی ڈی ءِ کارمنداں گِس ءِ پٹ ءُ پول ءِ میان ءَ موبائیل پون، چکانی لیبوک ءُ دگہ گرانھادیں چیزانی برگ ءَ ھوار ھپتاد ھزار کلدار نگد دزی کتگ ءُ گوں وت برتگ انت – اے میان ءَ سی ٹی ڈی ءِ کارمنداں کھول ءِ مردم بیھار ھم داتگ انت کہ سی ٹی ڈی ءِ بگیری ءَ ارزی نبشتہ مہ کن ات –

شاہ فہد ءِ آوار جنی ءَ نوں سال ءِ سرجم بوگی انت اے میان ءَ آئی ءِ کھول ءَ شال ءَ بیگواھیں مردمانی بنجل ءَ ھوار دگہ جاھاں زھرشانی نبشتہ کنائین اِتگ – کھول ءِ رِد ءَ سی ٹی ڈی ءِ بگیری ءَ ھاران پولیس ءِ گور ءَ ارزی ھم نبشتہ کنائین اِتگ اشی ءَ ابید بیگواھیں مردمانی ھاتر ءَ جوڈ کنگ بوتگیں کمیشن ءِ گور ءَ ھم وتی ارز برتگ کہ آھانی لڑ ءِ تہ ءَ شاہ فہد ءِ نام نبشتہ انت –

اھوالکار ءِ رِد ءَ چوش کہ بیگواھیں مردمانی ھاتر ءَ جوڈ کنگ بوتگیں کمیشن سنوائی نزیک انت ھمے ھاتر ءَ بیگواھیں شاہ فہد ءِ کھول ترسینگ بوگ ءَ انت ءُ بیھار دیگ بوگ ءَ انت –

کھول ءِ رِد ءَ گوستگیں روچاں آ ھاران ایف سی بنجل ءَ لوٹارینگ بوتگ انت ءُ اودا ایف سی ءِ کرنل ءُ سی ٹی ڈی ءِ واکدارانی ساڑی بوگ ءَ ترسینگ بوتگ انت ءُ بیھار دیگ ءُ گوشگ بوتگ کہ کھول ءِ نیمگ ء کمیشن ءَ دیگ بوتگیں درشان ءِ تہ ءَ سی ٹی ڈی ءِ نام کشگ بہ بیت ءُ ناشناسیں مردمانی نام دیگ بہ بیت –

اھوالکار ءِ گوشگ انت کہ پولیس ءِ نیمگ ءَ ھم کھول دلسیاہ کنگ بوگ ءَ انت کہ ارزی ءَ تہ ءَ داتگیں سی ٹی ڈی جاہ ءَ ناشناسیں مردمانی نام ءَ ارزی ءَ نبشتہ بہ کنائین ایت گڈا ارزی نبشتہ کنگ بیت اِنت –

بلوچستان نیشنل پارٹی کے زیراہتمام جبری گمشدگی،ماحل بلوچ کوجھوٹے الزام کے تحت گرفتار کرنےکےخلاف علامتی بھوک ہڑتال کوئٹہ پریس کلب کےسامنے جاری ہے بھوک ہڑتال آج شام 6 بجے تک جاری رہےگا۔