کیچ لشکریاں ورناھے آوار جنی ءَ پد بیگواہ کُتگ

بلوچستان ءِ کیچ دمگ ءَ چہ پاکستانی زوراکی لشکریاں یک ورناھے دزگیر کنگ ءَ پد ناشناسیں ھنداں بُرتگ۔

بیگواہ بیتگیں ورناھے پجار میر وائس ء خلیل احمد ءِ نامءَ چہ بیتگ۔

اھوالانی ردءَ بیگواہ بیتگیں ورناہ لشکریاں 28 فروری ءِ شپ ءَ تربت ءِ آبسر ھنکین ءَ آئی لوگے سرءَ بیڑ بُرتگ ءُ آوار جتگ۔

کھول ءَ وئیل ءِ ھال مروچی راست کتگ ءُ گُشتگ کہ میروائس داں انگت لشکریانی دزگیری ءَ اِنت ءُ آئی درگت ءَ کھول ءَ داں انگت ھچ گُشگ نہ بیتگ کہ آ کج ءَ اِنت ءُ چونیں جاورانی تہءَ اِنت۔

یات بہ بیت کہ مرچیگیں روچے تہءَ زورانسری بیگواھی ءِ دومی وئیل اِنت کہ رپورٹ بیتگ۔ چدوپیسر چہ گوادر ءِ کلانچ ھنکین ءَ پاکستانی زوراکی لشکریاں یک ورناھے آوار جنگ ءَ پد بیگواہ کتگ اَت، کہ آئی پجار حمید بلوچ ء بابو محراب ءِ نامءَ چہ بیتگ اَت۔