in ,

تربت ءَ پاکستانی لشکر ءَ لشکرکشی ءِ وھد ءَ سے سلاہ بندیں مردم ءِ کشگ ءِ ٹاپار جتگ

تربت: پاکستانی لشکر ءِ جارکش( آئی ایس پی آر ) ءِ گوشگ اِنت کہ چیریں ھالے ءِ رد ءَ کیچ ءِ ھند تربت ءِ گیشکور ءَ لشکرکشی کُرتگ ءُ سلاہ بندیں مردمانی ڈوار ءِ نزیک ءَ لشکری کارمند اِیر کرتگ ءُ جنگی بالگرد ھم کارگپتگ اَنت۔ ھمے وھد ءَ پاکستانی لشکر ءُ سلاہ بندانی میان ءَ میڑے بیتگ۔ آئی ایس پی آر ءِ رد ءَ کشگ بیتگیں سلاہ بندیں مردم گوستگیں روچ ءَ پاکستانی لشکر ءِ سر ءَ اُرش ءَ ھوار بیتگ اَنت۔ آئی ءَ گوشتگ کہ چہ آیانی ڈوار ءَ تراکناکیں شورھانی ھواری ءَ گولا ءُ آدگہ سامان دستیگ کرتگ۔ یات بہ بہ اِت کہ مرچی آواران ءِ ھند گیشکور ءُ کیلکور ءِ میان ءِ کوھاں پاکستانی لشکر ءِ چارجنگی بالگرد ءُ ڈرونے ءَ ترّ ءُ گرد کرتگ۔ اے بالگرداں چہ آواران ءِ بنجل ءَ سھب ءِ ادار شش ءَ ترّ ءُ گرد بنگیج کرتگ ءُ داں دیر ءَ ترّ ءُ گرد کنگ ءَ گندگ بیتگ اَنت۔ بلے چہ آدگہ بنشونانی نیمگ ءَ اے وڑیں پکائیں ھال دیم ءَ نہ یتکگ ءُ نیکہ چہ بلوچ آجوئی لوٹوکیں سلاہ بندیں گلانی نیمگ ءَ اے وڑیں درشان دیم ءَ آتکگ۔ یات بہ بہ اِت کہ بلوچستان ءِ تہ ءَ باز براں پاکستانی لشکر ءَ لشکرکشیانی وھداں زور بیگواھیں مردم نشانگ کرتگ اَنت ءُ پہ جھان ءِ رد دیگ ءَ آیان ءَ سلاہ بندیں مردم ءِ پیش کنگ ءِ بے سوبین جھد کرتگ کہ رند ءَ آ چہ زور بیگواھیں مردماں پجارگ بیتگ اَنت۔ بنشون: آئی ایس پی آر | اکس: دامگ

https://zrumbesh.com/balochi/post/entry/ISPR_13_04_2023

What do you think?

Written by مستعار

Leave a Reply

Your email address will not be published. Required fields are marked *

GIPHY App Key not set. Please check settings

بلوچ ءِ ایجوکیشن؟

اللہ ٗ شکرین کے انگت من زندگان