بلوچستان ءِ پیسریگیں سی ایم ءَ گْوشتگ بلوچ مھلوک چہ پاکستان ءَ آجوئی ءِ منوگر اِنت

بلوچستان ءِ پیسریگیں سر وزیر ءُ انوگیں صوبائی اسمبلی ءِ باسک نواب اسلم رئیسانی ءَ گشتگ کہ بلوچ مہلوک ءِ گیشتریں بہر چہ پاکستان ءَ آجوئی ءِ منوگر انت۔

ایکس (پیش ءَ ٹویٹر) ءَ شنگ کتگیں بیانے ءِ تہ ءَ رئیسانی ءَ بلوچ راج سئے جتا جتائیں ٹکّانی تہ ءَ بھر ءُ بانگ کنگ ءِ درور داتگ۔ آئی ءَ نبشتگ: ’’بلوچ راج ءِ مزنیں بہرے آجوئی دوست اِنت ءُ پہ راجی آجوئی ءَ فعالیں رنگے ءَ جُھد کنگ ءَ اِنت۔

آئی ءَ گوشت کہ دومی گل ءَ ریاستی اسٹیبلشمنٹ ءِ گوما ھمگرنچیں مردم ھوار اَنت کہ آ وتی ذاتی مفاد ءُُ اقتدار ءِ واھشت ءِ سبب ءَ دلبڈی دیگ ءَ اَنت۔ آئی ءَ گیش کرتگ: اے جنز ءِ ھستیں نظام ءِ وفادار اِنت ءُ راجی واھشتانی سر ءَ اقتدار ءَ را اولیت دنت۔

رئیسانی ءَ گشتگ کہ سیمی ٹولی ءِ تہا راجدوستیں گل ھوار انت کہ آ فیڈریشن ءِ تہا وت واجہی ءُ وسیلگ ءِ کنٹرول ءِ حمایت ءَ کن انت۔ البت آئی ءَ اے گل ءَ را نزور ءُ اثر ءُ رسوخ ءِ رد ءَ محدود لیک اِتگ۔ آئی ءَ گْوشتگ: انوگیں جاوراں اے راجدوستیں پارلیمانی گل وتی ارزشت ءَ چہ زبھر بوتگ اَنت۔