گہتری ءَ – بلوچ ءِ جیڑہ، 2024 ءَ چے بدل بوتگ!

1947 ءَ وھدے پاکستان پہ جوڑ کنگ بوت گڑا کلات یا مرچیگیں بلوچستان ءِ حاکماں نوکیں ملک ءَ ھوار بوھگ ءَ چہ انکار کت۔ 1948 ءَ پاکستان ءَ اے استان ءَ لشکر دیم دات ءُ ہمے سال ءِ 27 مارچ ءَ … پاکستانی لشکر ءَ وت واجہیں ریاست ءِ سرا قبضہ کت۔ چہ ھما وھد ءَ بلوچ ھمک سال بیست ءُ ھپت مارچ ءَ سیاھیں روچ ءِ بستار ءَ دار اَنت۔

بلوچ ءَ وتی وت واجہی ءِ پدا گرگ ءِ واستا کم چہ کم پنچ مزنیں جنگ کتگ، بلے پاکستان اے درستانی ہلاس کنگ ءَ سوبین بوتگ۔ وتی آجوئی ءِ جُھد ءَ سالانی سالانی تہ ءَ ھزاراں بلوچ کُشگ بیتگ۔ پاکستانی سیکورٹی فورسز ءِ سر ءَ بلوچستان ءَ 19 ھزار مردین ، ​​جنین ءُ زھگ ناجائزیں وڑے ءَ دزگیر کنگ ءِ ھال اِنت ۔

زالبولانی سرا زوراکی کنگ ءُ مردمانی کُشگ ءِ زلم ءُ زوراکیانی بازیں ھال ءُ اھوال ھست اَنت۔ بلوچستان چہ درستاں مستریں ءُ وسیلگاں چہ گیش زرباری استان بوھگ ءَ ابید ھم پاکستان ءِ پدمنتگ تریں دمگ اِنت۔ IN DEPTH ءِ اے چاپ ءِ تہ ءَ ما بلوچ ءِ جنجال ءُ بلوچستان ءِ مھلوک ءَ پاکستانی اسٹیبلشمنٹ ءِ دست ءَ چُشیں سکیانی سر ءَ گپ کن ایں ۔ ما ھمے چاریں کہ بلوچستان ءَ انسانی ھکانی لگتمالی ءِ سر ءَ چمشانک دیگ ءِ تہ ءَ ھندوستان ءَ چے وڑیں کوشست کتگ اَنت۔ اینکر: ٹینا جھا