شھدیں زبان گپتار پُل ات

شھدیں زبان گپتار پُل ات
کوھیں دل ءِ پاھار پُل ات

ڈیھ ءُ دیار دستی کتاں
ھلک ءُ دمگ بازار پُل ات

چو کہ مرید ءَ بے وسیں
چاکر منی دشتار پُل ات

بے کاری ءُ چمداری ءَ
سبر ءُ منی اوپار پُل ات

ُدُز یل کتاں آمیدگس ءَ
ناھکی ایں ھکدار پُل ات

بوجی زر ءَ چول ءِ میار
ڈنگاں دری آچار پُل ات

سوداگراں تئی داشتگیں
مئے بزگر ءُ لاچار پُل ات

پُلیں دوار ءِ سیمسراں
چہ نادراں بیپار پُل ات

بالاچ مری بگٹی نواب
راج ءِ سپہ سالار پُل ات

بیگواہ کتاں بچ تنگویں
گھار ءِ سر ءِ سینگار پُل ات

بزگ گلگ چہ کئے کن ئے
ما وت وتی بستار پُل ات

ابراھیم بزگ