تو منی شھر ءُ کوچگاں پہ تو

دستونک

شےمزار

تو منی شھر ءُ کوچگاں پہ تو
مادنیں راہ ءُ شھدگاں پہ تو

من ھما چورھیں دل ءِ آہ آں
چاردھاں ماتی مُرتگاں پہ تو

زندگی آکبت ھمیش اِنت منی
من اگاں مرتاں زندگاں پہ تو

دل نویسان اِنت ھونی ئیں گالاں
اے منی گال چیدگاں پہ تو

چَک ءُ پد کہ بہ بنت پدا راھاں
دل من دیستہ نُرنڈگاں پہ تو

تو من ءَ تُمک ءَ سِچن ءِ گوازین
ڈالیں تابانی مُھرگاں پہ تو

مئے تہ ءَ مردمے کہ پاد اتکہ
شے رھادگ کہ کوچگاں پہ تو

---

واب بگندءُ آگاہ بو
چماں بندءُ آگاہ بو

مھتل پرتو زِند نہ بیت
زِندءَ زِندءُ آگاہ بو

مشکل وھدے کیت سرا
جندیں جندءُ آگاہ بو

زِردْ دُچاراِنت گوں درداں
لُنٹاں کَندءُ آگاہ بو

غارءِ وڈا انت اے دنیا
تَندے تَندءُ آگاہ بو

کَوْرءِ تچوکیں آپءِ سرا
کِشکے رندءُ آگاہ بو

منزل کَبراِنت تئی مھمد
بَس دوپندءُ آگاہ بو
،،، مھمد ارباب زادہ ،،،