بلوچ نودربرانی دو مستریں نزوری

اگاں ما بلوچی زُبان ءِ جُھد ءَ ھورت بچار ایں گُڑا ما سرپد بَہ ایں کہ مئے بلوچ وانِندھانی دو مستریں نزوری اَنت۔ وھدے ما وتی ھمے دوئیں نزوریاں دلگوش بَہ ایں گُڑا چد ءُ پد رَد نبشتہ نہ کن ایں ءُ مئے زُبان ھم دیمروی کنت۔ ھما نزوری ایش اَنت کہ مرچی ھر بلوچ نودربر ءَ دلگوش کنگی اَنت۔

1- ما بلوچ داں دوازدہ سال ءَ ھمے پارسی، ھِندی ءُ سندھی ءِ وڑیں زُبانانی دربرگ ءَ آیانی دَرونتاں وان ایں بلے وتی جند ءِ بلوچی آسانیں دَرونتانی وانگ ءَ ما وھد نہ کَش ایں کہ مئے بلوچی کورس ءِ تہ ءَ تھنا سے دَرونت اَنت کہ ھمے سے ئیں دَرونت یکیں روچ ءَ ھم وانگ ءُ ھلاس کنگ بنت۔

2- ما وتی نبشتگیں گالرِداں وت نہ وان ایں، وت آیاں ھچ چمشانکے نہ دے ایں کہ آیانی رَدی راست کنگ بہ بنت۔

ما گوں راج ءِ وانِندھیں مھلوک ءَ دزبندی کن ایں کہ سرپدی چہ وانگ ءَ رس ایت، دُنیا ءِ ھر جاہ ءَ نودربر چہ دَرونتانی وانگ ءَ زبر بنت پمیشکا اول وتی راجی زُبان ءِ سے ئیں درونتاں بوان اِت کہ ما ایشانی لِنک ءَ ما شُمارا وت سر کن ایں۔ دومی مُدام وتی نبشتگیں چیزاں دوبر وت بوان اِت، آیانی رَدیاں وت راست کنگ ءِ جُھد بہ کن اِت۔ بزانکہ بے چمشانک ءَ وتی کلوہ ءُ نبشتانکاں روان مہ دے ایں۔

چوناھا یک روچے ءِ تہ ءَ پکیر مُلا وَ جوڑ نہ بیت البت اگاں ما اِے دوئیں کاراں ھیل کن ایں گُڑا ما زیت وتی راجی زُبان ءِ راست نبیسّی ءَ وت ھم زبر بَہ ایں ءُ پد ءَ ما اشتاپی نبیسّگ ءَ ھم رَدی نہ کن ایں انچوشکہ انگریزی ءَ گْوش اَنت۔
“Practice makes peferct”

سلامت بات اِت ءُ جُنزان بات اِت