in ,

بلوچ زالبولانی زورانسری آوار جنی پدردی گپ یے

ماما قدیر بلوچ

ماما قدیر بلوچ

بلوچستان ءِ کپیٹال شھر شال ءَ بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی برجاہ، زھرشانی بنجل ءَ بنجل ءَ مروچی چار ھزار ءُ نھ سد ءُ ھپتاد ءُ دو روچ سرجم بوتگ انت –

زانگ بہ بیت زھرشانی بنجل دوماہ ءُ نیم ءَ کراچی ءَ جنگ بوتگ ءُ آئی ءَ چہ پد مروچی شال ءِ ہریس کلب ءِ دیم واپس آرگ بوتگ –

ھمے وھد ءَ گل ءِ کمک سرکماش ماما قدیر بلوچ ءَ وتی کلوہ ءِ تہ ءَ گوشتگ کہ بنجل ءِ جاہ گند کنگ بوتگ، مروچیگیں سرجمیں روچ اشی سپائی دگہ کارانی تہ ءَ گوستگ، آئی ءِ گوشگ ات کہ اے وڈیں کارانی کنگ ءَ مئے زھرشانی دارگ نہ بیت، مئے زھرشانی تاں گڈی زورانسری آوار جنگ بوتگیں مردم ءِ یل کنگ ءَ تاں برجاہ مانیت – ما گوستگیں چاردہ سالاں اے جھد ءَ دیم ءَ برگ ءَ ایں، کدی شال یا کراچی ءُ اسلام آباد ءَ ھم زھرشانی کتگ –

آئی ءِ گوشگ ات کہ بلوچستان ءِ تہ ءَ زورانسری آوار جنیانی درچ گیشتر بوتگ، نوں اشی ءِ تہ ءَ گیشتر پوج ھوار کنگ بوگ ءَ انت چوش کہ ھنو سی ٹی ڈی ھم مردماں آوار جنگ ءُ بیگواہ کنگ ءَ انت، بلوچ زالبولانی زورانسری آوار جنی پدردی یے، ءُ اے درچ ءَ بازیں ماھے بیت کہ بندات کنگ بوتگ، گوستگیں ماہ ءَ چہ شال ءَ رشیدہ زھری ءُ پدا ماھل بلوچ چہ جند ءِ گِس ءَ سی ٹی ڈی ءَ در کانودی آوار جتگ ءُ آئی ءِ سر ءَ دروگیں بھتام جتگ ءُ جانی ریمانڈ ءَ دیم دیگ بوتگ کہ سرا سر ناھکی یے –

آئی ءِ گوشگ ات کہ بلوچ زالبولاں اے وڈ آوار جنگ، بلوچ چادر ءُ چاردیوالی لگتمالی پہ ریاست ءَ گران ءَ کپیت اے وڈیں کارانی کنگ ءَ آ ایمنی آؤرت نہ کنت بلکنہ مردمانی دل ءِ تہ ءَ گیشتر زھر پیداک کنت –

What do you think?

Written by مستعار

Leave a Reply

Your email address will not be published. Required fields are marked *

GIPHY App Key not set. Please check settings

بی ایل ایف

پاکستانی پوجءِ سرءَ سلاہ بندانی اُرش

بلوچانی گپ وتران تاریخ بلوچستان