in ,

بلوچی دَرونت لمبر 2/6 : ے، اں، آں، ہ ءُ ھ✍️📚

عبدالستار بگٹی

بلوچی دَرونت لمبر 2/6 : ے، اں، آں، ہ ءُ ھ✍️📚

ے ءُ یے: اے دوئیں پہ یکی ءَ کارمرز(استعمال) بنت انچوشکہ(جیسے کہ) بیرکے(A flag)🇷🇺، یدارے(A boat)🚣🏾‍♀️، مُرگے🦃، روباھے🐺 ءُ کُچکے🐕

وھدے(جب) لبز ءِ گُڈی آب “ا،ی ءُ ے” بئیت گُڑا پہ یکی ءَ دو ٹِکیں “یے” کارمرز بیت انچوشکہ(ا۔ک): ورنایے🧑‍⚖️،ماڑی یے🏩 ءُ بے یے♟️

اں: پہ باز ءَ کارمرز بیت ا۔ک:-یداراں🚣🏾‍♀️🚣🏾‍♀️، روباھاں🐺🐺🐺 ءُ سنگتاں👪👨‍❤️‍👨

آں: پہ “من” ءَ کارمرز بیت ا۔ک:- من رو آں🏃‍♂️، من وتی راجی زُبان ءِ کتاباں وانگ ءَ آں📕📘، من نمدی یے نبیسّگ ءَ ات آں📝✉️ ءُ من راجدوستیں بلوچے آں بلے من بے زُبان ءَ گار آں💁

نی ما وتی دَرونت ءِ گالرِداں وان ایں
1- اِے چے یے؟ اے وَ گاڑی یے(یہ تو ایک گاڑی ہے) 🚗 ءُ اود ءَ وَ بلاھیں مُچی یے۔👨‍👩‍👧‍👦👩‍👩‍👧👩‍👦‍👦
2- تو زاناں کَے ئے؟ من وَ مری یے آں۔👳‍♀️
3- او بانُک ءُ واجھاں اد ءَ بیا اِت، من شُمارا نوکیں دَرونتاں وانین آں🙋
4- اگاں رَدی یے بوتگ گُڑا من چہ شُما پھلی لوٹ آں۔🙏
(اگر غلطی ہوئی تو معافی چاہتا ہوں)
5- ھو ، من گوں وتی شریں سنگتاں لیب ءَ روگ ءَ ات آں۔ ⛹️‍♂️⛹️‍♂️⛹️‍♂️
6- من ورنایے آں پمیشکا(اس لئے) من جْوانیں لیبی یے آں۔🤾‍♀️

دلگوش: اِے وں: گپ ءُ ھبر ءَ ، بزانکہ گالوار ءِ رِد (مطابق)ءَ راست اِنت بلے نبشتہ رھبند ءِ رِد ءَ “آں” ءِ جاگہ ءَ “اوں” یا “یں یا ئیں” نبیسگ رَد اِنت۔ انچوشکہ رھدربری گالرِد (طریقہ جُملے)👇

* من وانگ ءَ اوں❌من وانگ ءَ آں۔✅
* پھلی لوٹوں❌ پھلی لوٹ آں۔✅
* من شُمئے کار کنیِں یا کار کنی❌ من شُمئے کار کن آں۔✅
* من تربت ءَ روں❌ من تربت ءَ روئیں❌ من تُربت ءَ رو آں✅

ھ ءُ ہ: بلوچی ءَ “ھ” گالانی بُنگیج ءُ نیام ءَ کارمرز بیت انچوشکہ:- ھکل، مھر ءُ ھمراھداری
بلے “ہ” گالانی گُڈسر ءَ کارمرز بیت:- ھمراہ، ھبکّہ(ھیران)، واجہ، گُناہ ءُ پوہ
البت پہ تْرُندیں توارینک ءَ “ھ” گالانی گُڈسر ءَ ھم کارمرز بیت: ڈیھ، دیھ ءُ جھ جنَگ

بے ءُ بِہ
بے: پہ نیستی ءَ کارمرز بیت:- بے سُد، بے ھیا، بیکار ءُ بے شک
بِہ: پہ ھُکم دیگ ءَ کارمرز بیت :- کنگ ءِ بِہ کن، جنَگ ءِ بہ جن، دیگ ءِ بدے، آرگ ءِ بْیار، آیگ ءِ بْیا ءُ روگ ءِ برو(گوں کارگال ءَ ھوار ھم نبیسّگ بیت)

ابدلستار بُگٹی ءُ ایم شکاری

دلگوش: پہ راجی زُبان ءِ دیمروی ءَ ما شُمئے ھمر ءُ ھمراھداری لوٹ ایں پمیشکا اے دَرونتاں دیم ءَ ھم روان بہ کن اِت، بلوچی وت بہ وان اِت ءُ راج ءَ ھم بہ وانین ات۔
بلوچی دَرونت 3/6: ءِ، ءَ، ئے ءُ ئِے 📘📒

ءِ : موز ءِ چِل🍌، باگ ءِ پاتو🦋🦋 ءُ لاپ ءِ نادْراھی🙇‍♀️

ءَ : نامگال(Noun)، پنامگال(Pronoun)، کارگال(Verb) ءُ سرجمیں گالانی دیم ءَ کارمرز بیت۔

ئے : اے کُمکّار گال پہ “تو” ءِ واست ءَ کارمرز بیت انچوشکہ تو رو ئے🏃‍♂️، تو کے ئے؟🤷‍♂️ تو زُبان دوستیں بلوچے ئے🧑‍⚖️ ءُ تو بانُک ماریہ ءِ نام ءَ نبیسّگ ءَ ئے📝

ئِے یا ئےِ : یک سَیمی چیز ءُ مردم ءِ واست ءَ کارمرز بیت انچوشکہ👇
1- پاگ ئِے سر ءَ بستگ۔👳‍♀️
2- جنگ کَٹّ اِت ئِے۔✌️
3- وتی زَر گار کُتگ اَنت ئِے۔ 🤷‍♂️

اش: اے “ئِے” ءِ باز اِنت۔
4- جنگ کَٹ اِت اِش۔✌️✌️
5- ورگ وارتگ اَنت اِش۔🥘🍕🍞👪
ایش:
* کتاب ایش اَنت۔📚
* ایشی ءَ مارا ٹیکی یے داتگ۔🎁

نی ما جھلی رھدربری گالرِداں(طریقہ کار جُملے) وان ایں👇

1- موز ءِ چِل ءَ دور مہ دے بلکیں بُز ءَ بِہ دے ئِے کہ بُز ترا شِیر دنت🍌🍌
2- شپ ءِ دیوان ءَ سنگت تْرُندآپ ورگ ءَ اِت اَنت۔🍷🍻🍺
3- من انی گوں بانُک شُگپتہ ءَ ڈیک وارتگ، من ءَ جُست ئِے کُت “تو چون ئے؟”🙋
(میں ابھی محترمہ شُگفتہ سے مُلاقات کر چُکا ہوں، اُس نے مُجھ سے پوچھا “تم کیسے ہو؟)
4- تو باگچہ ءِ پاتواں گِند ئے سَک براھدار انت۔ 🦋🦋
5- من باندا رو آن ءُ گِند آن ئِے🙆‍♀️
6- من تئی نبشتانک ءَ چمشانکے دیان ءُ راست ئِے کن آں۔📝
7- زاناں تو پد ءَ بانُک ھانی ءِ لوگ ءَ روگ ءَ ئے؟🚶‍♀️
8- نریان ئِے زُرت ءُ بورتاچی ءَ شُت۔🏇
(اُس نے ایک نر گھوڑ لیا اور گھوڑ سواری پر چلاگیا)
9- تو اد ءَ بلوچی وان ئے ءُ وت زیت دربر ئے۔📓🎓
10- تو آس توسوک ءِ روان کنگ ءَ نہ زان ئے۔ 🧯
11- کوھلو ءَ تْرُندیں ھورے گْوارگ ءَ اِنت۔🌦️🌦️
12- گُد ئِے بدل کت ءُ تتک۔🏃‍♂️
(اُس نے کپڑے بدلی کیے اور دوڑ پڑا)
13- ماں کرونا ویروس ءِ نادْراھی ءَ شانت ئِے ءُ مُرت۔🙇‍♀️
(کرونا وائرس کے بیماری میں اُس نے اُلٹی کیے اور مرگیا)

دلگوش: روگائے❌، ورگا اِت❌ ءُ کنگا آں❌ اے وڑ ءَ رَد اَنت

راست: تو روگ ءَ ئے، شما ورگ ءَ اِت، من کار ءَ کنگ ءَ آں ءُ ما وانگ ءَ ایں۔

اوشت ءِ نشان ” ْ “: گوش(Ear)، گْوش(Say and Tell)
گورم(Cattle) ءُ گْورم(Tide or Lake)
بْرمش، تُرند، گْوارگ، دْرچک، راجدْروہ(غدار)، سْروش، تّْرونگل، پْراہ، پْروش، دْراہ، شْوانگ ءُ دْراج

ابدلستار بُگٹی ءُ ایم شکاری

دلگوش: پہ راجی زُبان ءِ دیمروی ءَ ما شُمئے ھمر ءُ ھمراھداری لوٹ ایں پمیشکا اے دَرونتاں دیم ءَ ھم روان بہ کن اِت، بلوچی وت بہ وان اِت ءُ راج ءَ ھم بہ وانین ات۔

What do you think?

Written by مستعار

Leave a Reply

Your email address will not be published. Required fields are marked *

GIPHY App Key not set. Please check settings

ملا ابابکر روانبند دادشاہ

بلوچی سنگ ءُ پارسنگ(لچہ گوشی) استاد ابدال هميد - Aslam Zaindini

بلوچی سنگ ءُ پارسنگ(لچہ گوشی) استاد ابدال هميد